Txoj kev pab cuam Project Firstline yog nom tswv Lub Hauv Paus Tswj Saib Xyuas Kab Mob (Center for Disease Control) thoob teb chaws txoj kev los sib koom tes cob qhia txog txoj kev yuav los tiv thaiv thiab tswj saib tej kab mob sib kis tau zoo.

APIAHF yuav koom tes nrog Project Firstline thiab lawv cov koomhaum Neeg Asian American, Native Hawaiian thiab Pacific Islander kom los npaj tau cov neeg kho mob thiab cov neeg ua haujlwm rau txoj kev noj qab haus huv kom lawv tiv thaiv lawv tus kheej, cov neeg mob lawv saib thiab tu, thiab lawv tej pej xeem huab hwm neeg kom sawv daws tsis txhob raug tej kab mob sib kis.

Tus kab mob COVID-19 qhia tau qhov tseeb hais tias hauv tej chaw kho mob nyob thoob plaws teb chaws tseem muaj kev tu ncua ntau hais txog txoj kev paub thiab kev tiv thaiv tus kab mob sib kis. 

Lub xyoo 2020, CDC tau tsim tsa txoj kev pab cuam Project Firstline, uas yog ib txoj kev sib koom tes ntawm cov neeg kho mob, cov chaw saib kev noj qab haus huv rau pej xeem thiab cov neeg txawj ntse los koom tes muab cov kev cob qhia txog kev thiv thaiv kab mob sib kis rau cov neeg khiav haujlwm kho mob nkaus xwb.

Tsim nyog cov neeg khiav hauj lwm kho mob yuav tsum tau txais cov ntsiab lus meej tseeb thiab ntseeg tau, tsis yog CDC cov kev tswj saib kev kis mob uas lawv pom zoo nkaus xwb, tiam sis yuav tsum yog muaj cov kev kawm tshawb fawb los txhawb tib si.

Txoj kev pab cuam Project Firstline yuav muab cov kev cob qhia kom ntxaws, kom meej tseeb thiab kev kawm qhia rau tas nrho ntau lab tus neeg khiav haujlwm kho mob nyob Tebchaws Meskas.

Txoj kev pab cuam Project Firstline yog tau kev pob nyiaj pab los ntawm cov nyiaj pub ntxiv  tuaj pab kho tus kab mob COVID-19 uas yog $90 lab tauj ib xyoos rau lub xyoo 2020 thiab 2021.

Txoj kev cob qhia, kev kawm thiab kev tawm tswv yim tshiab txog kev sib kis mob yuav tsum muaj kom tsis tu ncua.